ARDOA ETA URA

Urak ez daki maitatzen
beti izanda garratza
gorputza gazia dauka
tristura ez da aberatsa
ez du ikasi sentitzen
ez du ardoaren antza
ardoak jorratzen daki
sentimenduen baratza.
Ardoa bizia baita
da dantza eta balantza
horren gainean pertsonak
ez du inongo zalantza
neurrian maite ezkero
gora ardoen hondartza
jarrai dezala izaten
Zorionaren ardatza.

Ardoa bixesuala da
gozoa eta goxoa
Udazkeneko fruitua
musuka egindakoa
horregatik izaten da
freskoa eta beroa
ardoak ez du sekula
estali ipurdi osoa.
Ardoak daki bizitzen
ba daki zer den sexoa
sexoa pasioa da
amaitzen ez den bertsoa
txapelketarik ez dago
ardoa ez da txoroa
oheko kirolan denok
dugu irabaztekoa.


Alkoholak ez du gerririk
ez daki zer den itxura
ez du txanpaina maitatzen
maite du ezin den hura
langile amorratua
bizi da alferren kontura
Alkoholaren musuak
ez du urrezko lilura.
Ardoak ba du bihotza
baita lagunen ardura
osasuna zaintzen daki
tarteka edanez ura
kolore beltz eder horrek
bidaltzen gaitu zerura
ze ederra den bizia
joan gabe kanposantura.

-------------------------------------------------------------------------------------------------

hurrengo kapitulua : GAUR GOIZEAN