BIZIA ETA BIDEA
Bidea ez da nekatzen
harria ez da pausoa
bihotza ez da itzaltzen
odola baita beroa
bizia da Herria ta
heriotza gure auzoa
beldurrak ezin du izan
Zorionen gurasoa.
Goazen pausoka kantari
bizitzen bide osoa
bizia ez da gezurra
egia bada zintzoa
arrazoia zer ote da
usoa edo otsoa
ona al da gorputzarentzat
edaten ez den ardoa.
Bidea berez motza da
pausoak ez du luzatzen
zergatik luzatu behar
bizia ez bada aldatzen
heriotza hortxe dago
dena kolorez margotzen
bidean ez da inor hil
bizia ez da bukatzen.
Horregatik maite behar da
ikasi dena gozatzen
jakin behar da bidean
biziarekin dantzatzen
goxo goxo hurbilduta
musuka hasi laztantzen
biziak ba omen daki
eskatu gabe ematen.
Bidea ez da gaixotzen
bizia ez da gizentzen
gauero mozkortzen denez
heriotza ez da aspertzen
alkoholak aspaldi daki
Zorion koskorra zer den
balantzaka hasi edo
erori han eta hemen.
Erortzen dena bizi da
baldin ba daki altxatzen
zutitzea zaila baita
ez baldin bagara ausartzen
biziari eutsi behar zaio
zimurrak asko maitatzen
esnatu orduko hasi
akats guztiak orrazten
Biziak ez du izenik
lorea ez da emea
bideak buru gutxi du
hauxe da ustegabea.
Biziak ez du bizi nahi
bere lana da ordea
Zoriona hortxe dago
zurea eta nerea.
Zoriona ez da erosten
ez da opari merkea
itxuraz ez da erreza
musuka eraikitzea
lapurtu egingo dugu
askoz hobe zatitzea
erdibana disfrutatu
bizia ez da tristea.
Bertso hauek ez dakit zer diren, onak… txarrak…..oso gustora egin ditut eta horrek asko balio du.
-----------------------------------------------------------------------------------------------
hurrengo kapitulua : ARGIA ETA ITZALA
Cap comentari:
Publica un comentari a l'entrada