POESI BAT AMARI

 

Oraintxe bertan bururatu zait zerbait eta idatzi egingo dut. Horrela egin behar dira gauzak, zirti zart, agian ona da edo agian txarra, auskalo! Ziur nagoena da, ez dela denentzat ona izango edo ez dela denetzat txarra.
Neretzat interesantea da, beraz aurrera!!!!!!!!!!!!!!!!

Bizian egunero ikasten da zerbait
eta gaur ez baduzu ezer ikasi,
gaur ez zara berriro jaio,
ezin izan duzu bizi. 



Hor goien jarri dudan bezela, Amari egingo diot Poesi bat.
Aita joan zen eta berari ez nion ezer egin. Justu justu bertso bat.
Orain, duela bost urtetik hona, Altzara joaten naiz eta Amarekin berreskuratu dut garai bateko harremana. Hantxe egoten gara biok berriketan.
Saiatuko naiz zerbait polita egiten, ea lortzen dudan.

                           POESI BAT AMARI

Aita Bertsoa jaio zen

eta zu berriz Poesia

ez dira gaizki konpontzen

zuhaitza eta lilia.

Loreak ez du esnerik

usoak badu bularra

haurrak ezin du jakin

negarra dela aparra.

Emeak daki maitatzen

oso ondo ikasi du

amak ez du ezer galtzen

ezin zaio musu bat kendu.

Amak daukazun begirada

ama zuk duzun eztia

maitasunaren laztana da

ogiaren mami bustia.                            

Maitasuna ez da egia

da sentimenduen morroia

argiak daukan begia

begiaren arrazoia.

Sentimendua ez da bizi

odola eman behar zaio

bihotzari irakatsi

ahal duela hil eta jaio.

 Ama orain zara amama

Eguzkia da Ilargia

zara Poesiaren dama

goizez hiltzen den argia.

Bertso hauek nahiko konplikatuak dira, baino askotan gertatzen da berdina. Adibidez perretxikoen munduan. Joaten gara Amanita Cesarearen bila eta hartzen dugu Amanita Muskaria. Beno, ez da ezer gertatzen. Gainera nork esan du Muskaria txarra dela...
Onartu behar dut ez dudala inoiz jan, baina gaztea naiz oraindik. 


Udaran gaudenez esaldi bat idatziko dut.

Nik bizi nahi dut
nere bizia bizi den lekuan.

Askotan ez gara ikusten.

 Zoriona bilatzen da

eta aurkitu ere.

Horretarako, zu zeu,

Zorionaren bidean aurkitu behar zara,
eman behar diren pausoak ematen.

Orain ba noa paseatzera, gaur Igandea da.


















hurrengo kapitulua

EZ NAGO ADOS